Кина планира да произведува три милијарди вакцини годишно

Кина веројатно ќе произведе три милијарди дози вакцина против Ковид-19 до крајот на годината, изјави во саботата официјален претставник на Националната здравствена комисија (НХЦ).

-Имаме капацитет да ги исполниме барањата за сопствените потреби во втората половина на годината – рече Женг Жонгвеи, кој исто така ги координира проектите поврзани со развојот на вакцините.

Владата ги објави најновите податоци кои покажуваат дека производството на вакцини е тројно зголемено од 1 февруари до 5 март, на пет милиони дози на ден.

Водечкиот производител на вакцини Синовац Биотех изјави дека го удвоил годишното производство на две милијарди дози овој месец.

Кинеската национална фармацевтска група Синофарм објави дека ќе може да испорача 100 милиони дози вакцина Ковид-19 секој месец, почнувајќи од мај. Целта на групата е да го зголеми производствениот капацитет на три милијарди дози годишно.