Кина го донесе првиот антитерористички закон

Кина го усвои првиот антитерористички закон, за кој Западот стравува дека ќе ја зголеми контролата врз медиумите и ќе ги загрози интересите на странските компании, додека кинеските функционери велат дека ја балансира потребата за борба против тероризмот со заштита на интересите и правата на јавноста.

Националниот народен конгрес соопшти дека неговиот Постојан комитет едногласно усвоил нацрт закон и оти законот ќе стапи во сила од 1 јануари.

САД изразија загриженост дека законот неповолно влијае на Интернетот и високотехнолошкиот бизнис и слободата на говорот, а кинески функционери велат дека тој вклучува барања од телекомуникациски и интернет компании кои се неопходни бидејќи терористите се повеќе го користат тој кибер простор.