Кибер-око функционира исто како човечкото око
Научниците долги години работат на креирање колку е можно подобро вештачко око, но тешко е да се направи нешто што ќе изгледа како вистински човечки орган.
Истражувачи од Универзитетот за наука и технологија во Хонгконг креираа нова верзија на кибер-око, чија функција и структура има многу сличности со човечкото око.
Вештачката мрежница е изработена од алуминиум оксид исполнет со густо испреплетени нано-жици. Тие се чувствителни на светлина и се направени од соединение наречено перовскит, што најчесто се користи во соларните ќелии.
Тие работат како нервни клетки во човечкото око, пренесувајќи електрични сигнали кога се активираат од светлина. Ова кибер-око има дијаметар од два сантиметра, а празнината во центарот е исполнета со спроводлива течност, пишува британското списание „Њу сајентист“.
Научниците веќе тестираа дали кибер-окото го препознава тоа што му се покажува. Тие го поврзаа окото со компјутер, што ги препознава буквите I, E и Y.
Сепак, иако работи исто како човечкото око, сигурно ќе биде потребен долго време пред вештачко око, како што е ова, да се искористи за да им се врати видот на луѓето.
Недостатоците кај кајбер-окото се тоа што има помал агол на гледање од десното око, а резолуцијата е многу пониска отколку, на пример, кај мобилните телефони.
Исто така, научниците веруваат дека еден ден би можеле да го снабдат кибер-окото со сончева светлина, па можеби нема да биде потребен посебен извор на енергија, барем додека не се стемни надвор.
И покрај се, ова би можело да сигнализира возбудлива пресвртница во технологијата, иако веќе ги поместува границите на можностите за вештачко око. Со доволно прецизност и правилен развој, ова може да доведе до импланти кои го обновуваат видот.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата