Кери и се заблагодари на Албанија за прифаќањето на муџахедините
Американскиот државен секретар,Џон Кери денеска посебно внимание и посвети и на Албанија „заблагодарувајќи и се за дадениот придонес за прифаќањето и сместувањето на припадници на иранската опозиција“, јави дописникот на МИА.
- Годинава ја посетив Тирана и разговарав со албанската Влада, како може да асистираме во олеснувањето на трансферот и сместувањето на последната група на припадниците иранската опозициска организаицја Народни муџахедини од кампот „Слобода“. Албанија има традиција од порано во заштитата на ранливите заедници, како што беше за време на конлфиктот во Косово и во заштитата на голем број Евреи за време на Втората светска војна. Многу сум благодарен што и во овој случај Албанија беше подготвена да одигра значајна хумана улога, ја пренесува тиранската телвизија Топ-чанел изјавата на Кери.
Кери е прв висок американски функционер кој јавно и се заблагодарува на Албанија за прифаќањето на муџахедините.
За време на неговата посета на Тирана во средината на февруари годинава, албанските медуми пренесоа дека тој дошол поради муџахедините.
Агенцијата Балкан веб пренесе и изјава на висок функционер на американскиот Стејт департмент, кој соопшти дека во изминативе две години Албанија прифатила „илјада муџахедини и се согласила да прими уште две илјади“.
- Всушност САД и помогнаа на Албанија за да ја прифати оваа група, која и помогна на американската војска во текот на операциите на Блискиот Исток во борбата против тероризмот. Оваа помош изнесува 20 милиони долари преку Високиот комесаријат на ОН за бегалци, (УНЦХР), изјавил високиот американски функционер.
Според агенција, тоа значи дека Албанија ќе ги згрижи сите муџахедини од кампот „Слобода“ во Ирак.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден