Келог: Трамп ѝ даде „зелено светло“ на Украина за напади длабоко во територијата на Русија
Претседателот на САД, Доналд Трамп, ја овласти Украина да изврши напади длабоко на територијата на Русија, изјави специјалниот претставник на американскиот претседател за Украина, Кит Келог, во интервју за „Фокс њуз“.
Кога директно го прашаа дали американскиот претседател верува дека Украина може да ја нападне Русија со оружје со долг дострел, Келог одговори дека претседателот Трамп ѝ дал на Украина овластување за такви напади.
„Мислам дека, откако прочитав што кажа претседателот Трамп и што кажаа потпретседателот Венс и државниот секретар Рубио, одговорот е да. Искористете ја можноста да напаѓате од голема далечина“, рече Келог и потсети дека Пентагон претходно не ѝ дал дозвола на Украина да извршува такви напади.
Како што објави Волстрит џурнал (WSJ), американскиот претседател му рекол на својот украински колега Володимир Зеленски дека е подготвен да ја укине забраната за напаѓање на руска територија со американско оружје.
„Секој треба да го следи она што го кажува претседателот Трамп. Според Уставот на САД, тој е врховен командант на американската војска и сите го почитуваат. Кога претседателот оди лево, вие одите лево. Ако тој каже одете десно, вие одите десно. Тоа е претседателот. Последниот пат кога проверивме, никој од нас не доби електорски гласови, но тој доби“, рече Келог.
МИА
Ново на Сител
-
Федералниот апелациски суд во Бостон ја оспори наредбата на Трамп за одземање на државјанството по основ на раѓање
-
Поднесено обвинение за убиството на турски државјанин во Штип
-
Аеродромот во Минхен отворен откако втора ноќ по ред беше прекинат ависообраќајот поради забележани дронови
-
Најмногу дожд наврна во Ѓуриште, највисока снежна покривка на Попова Шапка
-
Нови руски напади со дронови врз Украина
-
Герасимовски за Сител: Нова градинка кај Клинички центар и дом за стари лица на Водно
-
Се интензивираат активностите на учесниците на Локалните избори 2025
-
21. „Бела ноќ“ во Скопје