Казнев: Неопходни итни одлуки на ЕУ за борба против тероризмот

Францускиот министер за внатрешни работи Бернард Казнев апелираше денеска до Европската унија да донесе итни одлуки за борба против тероризмот откако, како што рече, изгуби многу време.

– Се надеваме дека Европа која изгуби премногу време на бројни ургентни прашања, денеска мора да донесе одлуки кои мораме да ги преземеме, изјави Казнев.

Тој денеска допатува на вонреден состанок на министрите за внатрешни работи на државите-членки на ЕУ во Брисел.