Казнети 102 возачи за непрописно паркирање вчера во Скопје, пајакот подигнал 77 возила

Девет лица се здобиле со лесни телесни повреди во осум сообраќајни незгоди од вкупно 12, што се случиле изминатото деноноќие на подрачјето на Град Скопје. Во четири сообраќајни незгоди е причинета материјална штета.

Полицијата од сообраќај исклучила 33 возачи кои се движеле со поголема брзина од дозволената, тројца кои управувале возило под дејство на алкохол, 19 пред да се стекнат со право на управување моторно возило и тројца почетници.

Исклучени се и едно техничко неисправно возило, седум нерегистрирани, а со специјалното возило „пајак“ биле подигнати 77 возила.

Казнети се и 102 возачи за непрописно паркирање.

Санкционирани се и двајца возачи кои поминале коловоз вон пешачки премин, осум возачи кои поминале крстосница на црвено светло, еден возач кој не дал првенство на минување на пешаците на обележан пешачки премин, двајца за неправилно престројување и двајца за неправилно престигнување.

Казнети се и 25 возачи за неносење сигурносен појас за време на управување моторно возило и 27 за користење на мобилен телефон за време на управување на моторно возило.