„Кажи не на дрогата, да на животот“, превентивни активности на МВР
Во рамки на редовните и плански организирани превентивни активности вчера на подрачјата на Секторите за внатрешни работи Битола, Охрид, Штип и Куманово, полициски службеници од овие сектори за внатрешни работи реализирале едукативни работилници со ученици од повеќе образовни институции на подрачјата на овие организациони единици на МВР.
Како што соопштија денеска од МВР, во средните училишта во Прилеп „Орде Чопела“ и во Крушево „Наум Наумовски Борче“ се одржале едукативни работилници посветени на врсничкото насилство и едукативно предавање на темата „Кажи не на дрогата, да на животот“. Во охридското основно училиште „Христо Узунов“ е реализиран превентивно-едукативниот проект посветен на појавата на врсничко насилство. Исто така, за средношколците од штипското средно училиште „Јане Сандански“ е одржана едукативна работилница „Кажи не на дрогата, да на животот“, а за учениците од основното училиште „Свети Јоаким Крчовски“ работилница посветена на превенција од врсничко насилство.
Инаку вчера, покрај овие активности, на подрачјето на СВР Битола полициски службеници од Полициската станица за безбедност на сообраќајот при СВР Битола во централното подрачје на Битола реализирале превентивни активност во насока на подобрување на безбедноста во сообраќајот „Не користи алкохол кога возиш“, а полициски службеници од Полициското одделение Новаци, реализирале превентивна активност на подрачјето на Новаци во делот на заштитата од кражби и измами на граѓаните.
Ново на Сител
-
Клековски: Вечерва пристигна еден тим од ВМА Белград, а во очекување сме на тимови од Чешка, Израел и Белгија
-
На Клиниката во Ниш примена пациентка со тешки повреди од пожарот во Кочани
-
Бугарското МЗ објави контакт број за роднините на настраданите кои се пренесени таму на лекување
-
Бискупот Стојанов упати сочувство за настраданите во Кочани
-
Папата Фрањо жали за жртвите од дискотеката во Кочани
-
Тројца пациенти од Штип се носат на клиниките во Скопје
-
Отворени телефонски линии за донации за семејствата на настраданите во пожарот во Кочани
-
На кулата Белград им се оддава почит на жртвите во пожарот во дискотека во Кочани