Кавга меѓу трговци: Наместо да се смират го принудил да потпише две фактури од по 1.170.000 денари

Вчера во 14.00 часот во Полициската станица Гази Баба, У.С.(45) од с.Селемли, општина Богданци, пријавил дека откако се договорил со Б.А., сопственик на фирма на „Кванташки пазар“ во Скопје, да се видат и да ги надминат недоразбирањата што ги имаат нивните фирми околу плаќање на роба.

- У.С. дошол пред канцеларијата на Б.А., кој излегувал и му рекол да го почека во просториите на фирмата, каде две лица со закана го принудиле да потпише две испратници со две фактури со суми од по 1.170.000 денари, информира МВР.

Се преземаат мерки за расчистување на случајот.