„Каубоите“ од Далас најбогат клуб во светот
Магазинот „Форбс“ ја објави листата на најбогатите спортски клубови во светот, која исто како и минатата година ја предводи Далас Каубојс.
Вредноста на клубот кој се натпреварува во северноамериканската НФЛ-лига е проценета на 4,8 милијарди долари.
Во однос на минатата година вредноста на клубот пораснала 14 отсто. Иако Далас последен пат бил шампион во НФЛ-лигата пред две децении, тоа не ја намалува вредноста на клубот, чиј сопственик е Џери Џонс.
Џонс во 1989 година го купил клубот за сума од 150 милиони долари.
Второто место на листата му припаѓа на бејзбол-клубот Њујорк Јенкис (3,7 милијарди долари), а потоа следуваат три фудбалски клуба: Манчестер јунајтед (3,69 милијарди), Барселона (3,64 милијарди) и Реал Мадрид (3,58 милијарди долари).
Шести на оваа листа е актуелниот НФЛ-шампион, Њу Ингланд, чија вредност е 3,4 милијарди долари. Во однос на минатата година вредноста на Њу Ингланд пораснала девет отсто.
На седмата позиција се наоѓа првиот клуб кој доаѓа од НБА-лигата, тоа е Њујорк Никс, со вредност од 3,3 милијарди долари.
Меѓу најдобрите 50 клуба во светот најмногубројни се претставниците на американските првенства (НФЛ, НБА, МЛБ), од Англија, покрај Манчестер јунајтед, на листата се и Манчестер сити на 35. место со вредност од 2,08 милијарди долари, односно Арсенал (43. место, вредност 1,93 милијарда) и Челси (46. место, вредност 1,84 милијарда).
Барселона и Реал се единствените претставници на Шпанија.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово