Кастриот Реџепи на Фејсбук: Во понеделник ќе имам прес-конференција
Пратеникот од Движењето БЕСА, Кастриот Реџепи најави дека во понеделник на прес-конференција ќе се појави пред новинарите. Тој ја повика неговата партија да не презема чекори кои ќе ги оштетат партиските структури и активности.
-Следниве денови ќе имаме можност подиректно да ве информирам за сѐ. Во однос на медиумите и интересот, ги разбирам и ги информирам дека мојот прв настап ќе биде во понеделник преку прес-конференција. На крајот апелирам до раководството на Движењето БЕСА да не презема забрзани чекори кои ќе им наштетат на нашите структури и активности. Треба да се постапува внимателно, напиша Реџепи на неговиот приватен профил на Фејсбук.
Тој вчера не се појави во Собранието и поради тоа опозицискиот блок не успеа да ги собере потребните 61 пратеник за да изгласа недоверба на Владата. Опозицијата тврдеше дека тој е киднапиран, а лидерот на БЕСА, Билал Касами го пријави за исчезнат во полициска станица. Реџепи преку социјалната мрежа Фејсбук вчера соопшти дека е добро и на сигурно место. Рече и дека е на правилната страна, со Албанците и со граѓаните кои се за мир, слобода и демократија.
Ново на Сител
-
198 санкционирани возачи во текот на изминатиот викенд на подрачје на СВР Битола, 84 за брзо возење
-
Тешко повредено едно лице, откако возило излетало на железничка пруга
-
Англија со победа го започна ЕП – Белингем и пресуди на Србија
-
Комплетиран предлог составот на новата влада, гласањето најавено за 22 и 23 јуни
-
Американски турист пронајден мртов на остров во близина на Крф, исчезнаа уште тројца туристи
-
Шест години од потпишувањето на Договорот од Преспа
-
Лидерите на ЕУ на неформална средба ќе расправаат за избор на носителите на врвните функции во Унијата
-
Столтенберг во посета на САД и Канада