Кошарка
20. December 2015 - 15:12

Карпош Соколи го пречекува Кожув, а Струмица е домаќин на Работнички

 
 
 Два натпревари од 11 коло во Првата македонска кошаркарска лига ќе се одиграат попладнево.
 
Дербито е во Скопје, во СЦ „Борис Трајковски’’ каде второ пласираниот на табелата Карпош Соколи го пречекува гевгелиски Кожув. 
 
Во вториот меч во Струмица истоимената домашна екипа ќе игра против Работнички кој има само една победа повеќе од струмичани, но скопската екипа има и одиграно и еден натпревар повеќе.
 
Вчера Куманово очекувано го победи Бест во Гевгелија со 93-83.
 
Дуелот од ова коло помеѓу  МЗТ Скопје Аеродром – Фени Индустри е одложен поради настапот на шампоионот во АБА лигата, кој вчера на гостувањето во Ваљево го победи Металац.
 
Табела: МЗТ Скопје 9-1 (победи-порази), Карпош Соколи 8-2, Куманово 6-5, Фени Индустри 6-4, Кожув 5-5, Работнички 4-6, Струмица 3-6 и Бест 0-11 .