Карневалот во Рио повторно откажан поради пандемијата
Карневал во Рио де Жанеиро втора година по ред е откажан поради пандемијата на коронавирусот.
Градоначалникот Едуардо Паеш ја објави одлуката вчера на својот интернет сајт, по состанокот со претставниците на карневалските групи. Тој рече дека практично не е изводливо да се одржи уличниот карневал додека важат ограничувањата за влез и другите мерки за коронавирус на уличната прослава на која се регистрирале стотици групи.
Повеќе од три милиони луѓе излегоа на улиците во текот на четирите дена од последниот карневал што се одржа 2020 година, наведува весникот „Г1“.
Во меѓувреме, плановите за парадите на Самбодромот во февруари и март засега остануваат.
Според официјалните податоци, повеќе од 22 милиони луѓе во Бразил се заразени со коронавирус. Околу 618.000 луѓе починаа по компликации со Ковид-19. Само САД бележат поголем број на смртни случаи од оваа јужноамериканска земја.
Како што напредуваше кампањата за вакцинација во Бразил, бројот на нови смртни случаи нагло се намали. Речиси 70 отсто од бразилското население сега е целосно вакцинирано. Откако на почетокот на декември беа откриени првите инфекции со новата варијанта Омикрон во земјата, бројот на позитивни случаи повторно порасна.
Популарно од Живот
Ново на Сител
-
Истрага против четири лица за пронајдени дрога и оружје во Брвеница
-
Орбан: Парите за Украина треба да се пренасочат кон развој на армиите на европските држави
-
Јаневска: Законот за високото образование в понеделник на ЕНЕР, наставниците ќе добијат 7,5 проценти покачување со мартовската плата
-
Мицкоски за проблемот со транспортерите: Имавме дипломатска офанзива, има неколку можни решенија
-
Обезбедени се средства за набавка на 150 електрични автобуси за Скопје и општините
-
АХВ го одзеде малтретираното куче, сопственикот ќе биде казнет
-
Најмалку 85 луѓе загинаа во САД како последица на снежната бура и ниските температури
-
Ердоган понуди Анкара да посредува помеѓу Иран и САД
