Канада воведе задолжителна вакцинација за пратениците
Канадските пратеници ќе мора да се вакцинираат против коронавирус за да работат во Долниот дом од крајот на ноември, изјави спикерот Ентони Рота.
– Правилото стапува во сила во понеделник на 22 ноември 2021 година. Луѓето мора да бидат целосно вакцинирани против Ковид-19 за да им биде дозволен влез во Долниот дом, рече тој.
Новото барање ќе се однесува не само за членовите на Долниот дом и нивниот персонал, туку и за канцелариските работници, новинарите и консултантите. Директивата доаѓа околу еден месец по изборната кампања, во која задолжителните вакцини беа предмет на жестоки дискусии.
Канадскиот премиер Џастин Трудо, кој минатата недела соопшти дека неговиот кабинет ќе биде претставен на 26 октомври и оти Парламентот повторно ќе се состане на 22 ноември, даде поддршка за задолжителната вакцинација на либералите. Други политички партии го следеа повикот на Трудо, со исклучок на лидерот на Конзервативната партија.
Рота додава дека луѓето кои не можат да примат вакцина поради медицински причини, ќе можат да направат брзи тестови за Ковид-19. Покрај тоа, канадскиот Парламент останува затворен за посетители, а условот за носење маска е продолжен до јануари 2022 година.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување