Канада најави нови санкции против високи сириски претставници

Канада најави нови санкции против Сирија како одговор на наводниот хемиски напад кој се случи на 4 април во провинцијата Идлиб.

Санкциите опфаќаат замрзнување на имотот и сметките на високи функционери во Владата на сирискиот претседател Башар ал Асад.

- Владата на канадскиот премиер Џастин Трудо ги прошири санкциите на дополнителни 27 високи владини претставници, изјави канадската министерка за надворешни работи Кристија Фриленд.

Ова се први канадски санкции против Сирија и Асад по 2014 година, кога на власт во Канада беше конзервативната влада.

Асад, неговото семејство, Владата и сириски воени лидери веќе подолг период се мета на санкции.