Канада најави царини за одредени американски производи

Канада од утре воведува царини на одредени американски производи, како одговор на „неоправданите и неразумните“ царини воведени од американскиот претседател Доналд Трамп на челикот и алуминиумот.

– Царини од 25 отсто ќе бидат воведени за американски увоз во висина од 29,8 милијарди канадски долари, изјави канадскиот министер за финансии Доминик Лебланк.

Тоа посебно се однесува на компјутерите, спортската опрема и производите од леано железо.

Денеска во сила стапи американското зголемување на царините за 25 отсто за канадскиот челик и алуминиум.

Европската комисија најави дека од 1 април ќе применува „пропорционални“ царини за низа американски производи, како одговор на американското зголемување на царините.