Канада испраќа во Украина дронови, муниција и оклопни возила вредни милијарда канадски долари
Канада следниот месец ќе и испорача на Украина дронови, муниција и оклопни возила во вредност од речиси милијарда канадски долари (750 милиони американски долари), најави канадскиот премиер Марк Карни, кој денеска е во посета на Киев по повод Денот на независноста на Украина.
Канадскиот премиер, како што пренесува Укринформ, кажа дека на самитот на Г-7 во јуни, Канада ветила дека ќе обезбеди дополнителна воена помош за Украина во вредност од две милијарди канадски долари (1,5 милијарди американски долари).
– Денес, со гордост објавувам дека една милијарда канадски долари од оваа помош ќе бидат искористени за зајакнување на вашиот арсенал со итно потребни дронови, муниција и оклопни возила – опрема што ќе пристигне следниот месец, изјави Карни.
Тој додаде дека Канада, исто така, ќе обезбеди десетици милиони канадски долари за итна медицинска помош, изградба на засолништа од бомби и зајакнување на демократските институции во Украина, вклучително и поддршка за справување со сајбер напади.
– Како копретседател на Меѓународната коалиција, Канада ќе ја зајакне соработката со Украина, со европските партнери и САД за да обезбеди итно и безусловно враќање на украинските деца, нагласи канадскиот премиер.
Благодарност за новиот пакет канадска воена помош за Украина изрази генералниот секретар на НАТО, Марк Руте.
– Благодарен сум на Канада и на премиерот Марк Карни, кој штотуку објави финансирање за пакет американска воена опрема за Украина, напиша Руте на социјалната мрежа Х.
Генералниот секретар на НАТО нагласи дека сојузниците во алијансата продолжуваат да ја доставуваат потребната опрема и материјали за да се осигурат дека Украина има сè што ѝ е потребно за својата одбрана и за да постигне праведен и траен мир.
Ново на Сител
-
ДИК: 13 постапки за независни кандидати за градоначалници, во пет општини се собираат потписи за советници
-
Макрон: Нема да поднесам оставка
-
Кремљ: Путин ќе биде главен гостин на парадата во Пекинг
-
Рубио: УСАИД официјално е во фаза на затворање
-
Активни шест пожари, под контрола четири
-
Еден осомничен за телесна повреда при семејно насилство врз бремената сопруга
-
Клековски: На болничко лекување остануваат уште тројца од повредените во пожарот во дискотеката „Пулс“
-
Притворен уште еден осомничен од групата против која се води истрага за злосторничко здружување, даночна измама, даночно затајување и перење пари