Камери во Судскиот совет како досега, така и отсега натаму ќе има
Четворица членови на Судско-медиумскиот совет, судиите Иван Џолев и Емилија Шопар и новинарите Михаела Димовска и Зоран Јаневски се сретнаа со претседателот на Судскиот совет, Сашко Георгиев.
Средбата се иницира по последните случувања во Советот, кога беше одлучено снимателите да не бидат присутни на седниците.
Новинарите му укажаа на претседателот на Советот, дека од суштинско значење е да се обезбеди присуство на камерите со цел изворно да бидат пренесувани седниците на ова тело, кое избира, унапредува и разрешува судии.
Претседателот на Судскиот совет, Сашко Георгиев, увери дека како и досега и отсега па натаму камерите ќе бидат присутни во Советот и дека ќе изнајдат начин со сопствени ресурси да обезбедат онлајн пренос на седниците на Советот.
Георгиев вети дека навремено ќе објавуваат соопштенија за јавноста од седниците и дека моментално работат на ангажирање лице за односи со јавност во Судскиот совет.
Во таа насока, од членовите на Судско-медиумскиот совет на Георгиев му беа пренесени заложбите за ангажирање лица за односи со јавност во четирите апелациски судови, кои би споделувале информации за судовите кои се под надлежност на конкретното апелациско подрајче.
Судско-медиумскиот совет е советодавно тело во кое членуваат осуммина новинари и седуммина судии, формирано во 2018 година, по моделот на Судско-медиумскиот комитет на Бостон, Масачусетс во САД, а под покровителство на Амбасадата на САД во РС Македонија.
Ново на Сител
-
Граѓаните ќе може да ја тужат државата пред Управен суд поради загаден воздух
-
Тема на денот со Агим Јонуз, политички аналитичар
-
Мицкоски во посета на Австрија
-
Преглед на вестите од светот
-
Со месеци се чека скен на коски
-
Таравари е сигурен дека има лекарски пропусти во случајот со починатото 14-месечно бебе
-
Вработени во ЗОО Скопје: Град Скопје сами си го напишаа соопштението дека инспектори со оружје влегле во зоолошка и направиле масакр
-
Инфлацијата во светот е ставена под контрола