Камелија Нејкова ќе ја предводи ЦИК во Бугарија
Претседателот на Бугарија Румен Радев соопшти дека Камелија Нејкова ќе биде на чело на Централната изборна комисија, откако претходно денеска одржа вонредни консултации со парламентарните партии со цел да биде предложена кандидатура за претседател на ЦИК.
Претседателот на Бугарија Румен Радев соопшти дека Камелија Нејкова ќе биде на чело на Централната изборна комисија, откако претходно денеска одржа вонредни консултации со парламентарните партии со цел да биде предложена кандидатура за претседател на ЦИК.
Како што јави дописникот на МИА од Софија, консултациите се случија откако беше повлечена единствената кандидатура за претседател на комисијата, онаа на адвокатот Красимир Ципов, предложен од партијата ГЕРБ. Втората политичка сила во Бугарија „Има такви луѓе”, ја предложи Камелија Нејкова да претседава со ЦИК, по што Радев најави дека таа ќе биде новиот раководител на Комисијата. Вонредните консултации кај претседателот на Бугарија се случија поради неизвесноста кој ќе раководи со ЦИК пред предвремените парламентарни избори во земјата.
Лидерот на ГЕРБ и премиер во оставка Бојко Борисов виде стапица во номинацијата на нивниот претставник Красимир Ципов, откако ниту една од другите пет партии и коалиции од 45-то Национално собрание не номинираше кандидати за функцијата шеф на ЦИК.
По консултациите со партиите, започнаа сослушувањата на кандидатите за членови и раководството на ЦИК во зградата на претседателството во Софија.
Ново на Сител
-
Поднесено обвинение за сообраќајката во која загина Фросина Кулакова
-
Двајцата поранешни градоначалници на Кочани остануваат во куќен притвор
-
Само една од 800 згради во Карпош ги исполнува прописите за безбедност, рече Јакимовски
-
Граѓански организации бараат казни наместо време за прилагодување
-
Се намалува бројот на повредени кои остануваат на болничко лекување – критичните пациенти се подобри од вчера
-
Зголемена потреба од психолошка поддршка во училиштата
-
Технички неисправен автобус возел 77 македонски патници во Будимпешта – Агенцијата вели дека изнајмила исправно возило
-
Крива Река загадена со цијанид и олово – општината ќе бара кривична одговорност