Калин: Турција соодветно ќе одговори на нападот во Ербил
Турција на соодветен начин ќе им одговори на оние кои го извршија издајничкиот напад врз турските дипломати во Ербил, главниот град на автономниот регион Курдистан, на северот од Ирак, напиша денеска на Твитер Ибрахим Калин, портпарол на турскиот претседател Реџеп Тајип Ердоган.
Тој наведе дека се во тек напори за фаќање на напаѓачите, пренесоа американските медиуми.
Турското Министерство за надворешни работи соопшти дека, заедно со ирачките и локалните власти, продолжува да работи на пронаоѓање на напаѓачите.
Заменик турскиот конзул во Ербил, е еден од тројцата турски дипломати кои загинаа во нападот врз ресторан во главниот град на Курдистан, соопштија курдски безбедносни претставници.
Во нападот на ресторанот загинал и еден врабитен во конзулатот, соопшти турското МНР.
Курдските безбедносни сили го блокирале подрачјето околу ресторанот и трагаат по напаѓачите.
Според очевидец на настанот, еден напаѓач влегол во ресторанот и почнал да пука, а потоа побегнал со автомобил што го чекал пред ресторанот.
Турската агенција Анадолија соопшти дека во нападот загинал заменик конзулот и неколку лица од неговата придружба.
Претходно турските медиуми јавија дека во нападот загинале две лица, а трето е повредено.
Засега никој не ја презеде одговорноста за нападот.
Ново на Сител
-
Вучиќ изјави дека ќе бидат распишани вонредни избори, но не прецизираше датум
-
СЗО: Глад и болести се шират во Судан, 25 милиони луѓе загрозени поради недостиг од храна
-
Жител на тетовско осомничен за задоволување полови страсти на јавно место
-
Поради сообраќајка во прекин регионалниот пат Маврови Анови - Дебар
-
Кривична за четири лица за тешка кражба, нанеле штета од над 10 милиони денари на ЈП за железничка инфрастрактура
-
Приведени две лица од Неготино, одзеле 30.000 евра од дом на брачен пар
-
Германија го запира извозот на воена опрема во Израел и повикува на прекин на огнот во Газа
-
76-годишна жена измамена за 20.000 евра - и кажале дека ќерка и била прегазена, биле потребни пари за операција