Каиро: Убиен вториот човек во египетската хиерархија на Исламска држава

Еден од лидерите на локалната ќелија на џихадистите од Исламска држава, активна во Египет, денеска е ликвидиран од египетските командоси во северниот дел на Полуостровот Синај, соопшти порталот „Ал Фагр“, цитиран од ТАСС. 

Според податоци на порталот, убиениот е Мохамед Насер Маадан или „вториот човек“ во хиерархијата на групата „Ансар Бејт ал Макдис“ (Приврзаници на Ерусалим), која пред повеќе од една година и се заколна на верност на ИД.

Маадан бил убиен при престрелка со припадници на египетските специјални единици во реонот Вади Расфан. Заедно со него биле убиени и неколку џихадисти, кои го обезбедувале својот лидер.

Освен тоа, командосите му влегле во трагите и го блокирале и лидерот на египетското крило на ИД во централниот дел на Синај, извесен Мохамед Муса Мухејсин, кој веќе двапати годинава се спасил од потерите.