Јужнокорејската армија тврди дека Северна Кореја истрела уште две балистички ракети со краток дострел
Северна Кореја денеска истрела две балистички ракети со краток дострел во морето, источно од нејзиниот брег, соопшти јужнокорејската војска.
Ракетите биле истрелани од северната провинција Хвангае и прелетале околу 370 километри, соопшти Генералштабот на јужнокорејската армија.
Ракетите најверојатно паднале пред јапонската ексклузивна економска зона, соопшти јапонската Влада.
Британските медиуми наведуваат дека денешното лансирање ракети се случува пред утрешното пристигнување на американскиот носач на авиони УСС Нимиц и придружните бродови, што ќе се стационираат во јужнокорејската база Бусан.
Јужнокорејската војска „остро го осуди“ лансирањето на проектилите, оценувајќи ги како сериозна провокација и кршење на резолуцијата на Советот за безбедност на Обединетите нации, повикувајќи на итен прекин на таквите акции.
„Внимателно ќе ги следиме севернокорејските активности и ќе бидеме подготвени адекватно да одговориме на какви било провокации“, соопшти јужнокорејскиот Генералштаб.
Јапонската влада, исто така, упати „силен протест“ до Северна Кореја, наведувајќи дека лансирањето на ракетите претставува безбедносна закана.
Ново на Сител
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо