Јурумлери ќе добие нова пречистителна станица

Во Јурумлери почнува изградбата на ваккум пречистителна станица со која ќе се реши фекалната одводна канализација во ова населено место.

- Ризикот што постои во моментов во Јурумлери се подземните води, а постојат и премногу септички јами, што се голем еколошки проблем. Со изградбата на нова фекална вакуумска мрежа, овие ризици целосно ќе се елиминираат, изјави градоначалникот Борис Георгиевски, кој денеска беше во посета на Јурумлери.

Новата пречистителна станица е прва од ваков тип во општина Гази Баба. Ќе има команден пулт, вакуум пумпи и примарна фекална мрежа во должина од четири километри.

По завршувањето на првата фаза, ќе почне приклучувањето на домаќинствата.