Јуро њуз: Пуџдемон утре нема да има обраќање во шпанскиот Сенат

Каталонскиот премиер Карлес Пуџдемон нема да има утре обраќање во шпанскиот Сенат, објави Јуро њуз, повикувајќи се на извори од каталонската влада.

Сенатот во Мадрид се очекува в петок да гласа за активирање на членот 155 од Уставот на Шпанија. 

Пратеник од каталонскиот парламент во изјава за локални медиуми рекол дека спикерот на Парламентот ги информирал дека наместо говор во Сенатот, Пуџдемон ќе има обраќање утре во регионалниот парламент. 

Претходно, шпански медиуми јавија дека каталонскиот регионален премиер утре ќе зборува во Сенатот на Шпанија.