Јункер: Украина треба да го реформира судскиот систем

Европска унија бара од Украина да изврши реформи во судскиот систем и заштитата на човекови права пред земјата да добие безвизен режим, се наведува во писмото на претседателот на Европската комисија Жан-Клод Јункер.

Еден од приоритетите на укрианските власти е во 2016 година да потпишат договор со ЕУ за безвизен режим. Исто така во 2016 година стапува во сила Договорот за слободна трговија меѓу Украина и ЕУ, покрај спротиставувањето од Русија.

Во писмото на Јункер, испратено до украинскиот претседател Петро Порошенко, се апелира за побрзо создавање на независни органи за борба против корупцијата, како и за измени на законите за труд и да се забрани дискриминација поради сексуалната ориентација.