Јункер: Кој ќе го загуби статусот безбедна земја, нема да се зачлени во ЕУ
Претседателот на Европската комисија, Жан-Клод Јункер денеска се заложи земјите од Западен Балкан, од каде доаѓаат голем број баратели на азил, да се стават на листата на безбедни земји и додаде дека на државите, кои ќе останат без тој статус ќе им биде ускратено правото на приклучување кон Унијата.
Јункер во говорот пред пратениците на Европскиот парламент во Стразбур, изнесувајќи го предлогот за решавање на бегалската криза, предложи усвојување на заедничка европска листа на „безбедни земји“, од кои азилантите доаѓаат не поради протерување и војни, туку од економски причини.
- Тука мислам на земјите, кои се кандидат или перспективни за членство за ЕУ, рече тој и ги спомена Македонија, Албанија, Босна и Херцеговина, Косово, Србија и Црна Гора.
Тој појасни дека на граѓаните на тие земји нема да им биде ускратено правото на азил, но нивните барања ќе се обработуваат по забрзана процедура, а тие што ќе бидат одбиени ќе бидат вратени во своите домови.
- Доколку некоја држава го загуби статусот на безбедна земја, ќе и биде ускратено правото на приклучување кон Унијата, предупреди тој.
Јункер нагласи дека мора да се зајакнат надворешните граници на ЕУ, но оти Шенген договорот нема да може да се укинува за време на мандатот на оваа Комисија.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево