Јункер ја предложи Бугарката Габриел за комесар за дигитална економија
Претседателот на Европската комисија, Жан-Клод Јункер, денес ја интервјуираше Марија Габриел, кандидатка предложена од страна на бугарската влада за нов еврокомесар, откако претходната бугарска еврокомесарка Кристалина Георгиева поднесе оставка и замина на висока функција во Светската банка.
Како што јави дописникот на МИА од Брисел, по успешното интервју, Јункер ги потврди надлежностите на Марија Габриел и предложи таа да стане кандидат за комесар, објавувајќи ја својата намера да и го додели ресорот за дигитална економија и општество.
По овој повод, челникот на Еврокомисијата испрати писмо до Советот на Унијата за нејзините главни задачи и одговорности како комесар за дигитална економија и општество, посочувајќи дека таа ќе придонесе за проекти управувани и координирани од страна на заменик-претседателот на ЕК, Андрус Ансип, кој е задолжен за единствениот дигитален пазар, како и под компетенцијата на комисискиот потпретседател Јирки Катаинен, кој е задолжен за работни места, развој, инвестиции и конкурентност.
По денешното интервју со Марија Габриел, кој е актуелен пратеник во Европскиот парламент од партијата Граѓани за европски развој на Бугарија (ГЕРБ) на бугарскиот премиер Бојко Борисов, како и по најавата на Јункер за додоелување на ресор, процесот за нејзино именување ќе продолжи со размена на мислења меѓу неа и ресормиот Комитет на Европскиот парламент, што се очекува да се одржи во текот на следните недели, по што таа и официјално би требало да стане нов еврокомесар.
Ново на Сител
-
Клековски: За само една година направиме две промени во позитивната листа , го зголемивме и бројот на ин витро постапки од 3 на 6
-
Мајор уапсен за шпионажа: Наводно доставувал информации на Русија за украинските борбени авиони
-
Над 100 луѓе се убиени во израелски напади во Појасот Газа за еден ден, соопштија здравствените власти во енклавата
-
Сиљановска-Давкова до Бирн: Ирска да продолжи да се залага за кредибилен процес на пристапување базиран на заслуги
-
Жители на Русиново остануваат на терен по синоќешниот пожар кај месноста Св Марко кој е локализиран
-
Министерот Тошковски присуствуваше на отпочнување на процесот за полагање на испит за ракување со оружје
-
Илјадници обожаватели се простија од Ози Озборн
-
Трамп воведува 25 отсто царина на индиска стока, критикувајќи ги врските со Русија