Јуниорите ја започнуваат операцијата ЕП: Јовиќ го објави широкиот список од 22 ракометари

Александар Јовиќ селекторот младата машка ракометна селекција го објави поширокиот списокот од 22 ракометари, кои од денес ги започнува подготовките за настап на Европското првенство во Данска, кое ќе се игра од 28 јули до 7 август.

Очекувано, најголемиот дел од ракометарите доаѓаат од двата тима на Металург, и тоа предводени од Филип Талевски и Филуп Кузмановски на кои овојпат ќе им се приклучи Марко Нелоски кој подолг период поради повреда беше надвор од терените.

На поширокиот список на Јовиќ се следниве ракометари:

Голмани: Мартин Томовски (Металург), Никола Даниловски (Пелистер), Илија Трпевски (Вардар), Марко Кизиќ (Вардар 2)

Кружни напаѓачи: Андреј Маркудов (Пелистер), Филип Арсеновски (Металург) и Милан Лазаревски (Металург 2).

Бекови: Филип Талески (Металург), Филип Кузмановски (Металург), Горан Крстевски (Металург), Марио Танкоски (Металург 2), Марко Нелоски (Металург), Тоше Ончев (Вардар 2), Александар Димовски (Вардар 2), Мартин Велковски (Металург), Мартин Серафимов (Металург), Стефан Трпчевски (Вардар 2),

Крила: Давор Палевски (Металург), Глигор Гајиќ (Работнички), Димитар Димитриоски (Металург 2), Томислав Јагуриновски (Металург), Мице Шилегов (Металург 2)

Подготовките ќе стартуваат во салата во Автокоманда, во Скопје.

Македонските јуниори на ЕП за играчи до 20 годнини, се во силна група каде за протовници покрај домаќинот Данска, ќе ги имаат и селекциите на Норвешка и Холандија, а пласман во следната фаза ќе обезбедат првите две првопласирани екипи.