Јунајтед четири пати ја затресе мрежата на Челзи
Во последниот натпревар од првото коло од новата сезона во Англија, Манчестер јунајтед ја наполни мрежата на Челси. Френк Лампард имаше неславно деби како тренер во Премиерлигата и со тежок пораз ќе си замине од Олд Трафорд.
„Сините“ не беа толку лоши во првиот дел, два пати ја погодија рамката од голот, а и примија гол по еден наивен пенал кој го направи Зума, Рашфорд беше сигурен од белата точка.
Сепак, Челси потфрли во продолжението од мечот, и во период од 90 секунди прими два гола. Најпрво Марсијал реализираше за 2-0 а потоа Рашфрд со својот втор гол најави убедлива победа.
Конечните 4-0 беа дело на дебитантот Даниел Џејмс, кој со својот прв удар во дресот на „ѓаволите“ се запиша во листата на стрелците.
Претходно денеска, Арсенал со голот на Обамејанг триумфираше со 1-0 на гостувањето кај Њукасл, додека Лестер и Вулверхемптон одиграа натпревар без погодоци.
Ново на Сител
-
Инспекторите на терен – дали 140 ученици од “Ѓорѓија Пулевски” се затруени со храна?
-
Кривична пријава за поранешниот директор на струмичкиот затвор
-
Законот за нефер трговски практики почнува од утре, поевтинување се очекува за еден месец
-
Пропадна тендерот за пругата кон Бугарија, приоритет ќе биде Коридор 10
-
Приватните превозници ги паркираа автобусите, бараат зголемување на цените за изминат километар
-
Преглед на вестите од светот
-
Средба Мицкоски-Орбан и заедничка владина седница во Охрид
-
УЈП најави строги контроли на претстојните „Денови на кочанскиот ориз“