Јули со помалку врнежи и температура близу над просечната, во Гевгелија регистриран максимум од 41,7 степен
Температурата на воздухот просечно во јули во земјава се движела од 24,5 до 34,7 степени, а максималната измерена е на 31 јули во Гевгелија од 41,7 Целзиусови степени и минимална од 6,1 степен во Берово на 14 јули.
Врнежите во јули биле за шест проценти помали од просечното ниво на држава, а времето било близу над просечно топло во државата.
Според информацијата на УХМР, во текот на изминатиот месец регистрирани се во Маврово три и во Гевгелија 29 дена со максимална температура над 30 степени, близу над просечно топло во државата, многу влажно во крајниот североисток и југозапад и претежно суво во останатиот дел од државата.
Средната месечна температура варирала од 17,5 степени во Маврово, до 27,1 степен во Гевгелија. Средната максимална температура варирала од 24,5 степени во Маврово до 34,7 степени во Гевгелија.
Најниската минимална температура од 6,1 степен на 14 јули е измерена во Берово, средната минимална температура варирала од 11,4 степени во Берово до 19,8 степени во Гевгелија.
Во јули годинава месечната сума врнежи варирала од 13,3 милиметри во Маврово до 108,3 милиметри во Битола. Врнежите биле од дожд, но локално пропратени со грмежи и град.
Максимални врнежи од 53,6 милиметри се регистрирани во Битола на 5 јули со што е надмината дневната максимална сума врнежи во овој град во јули.
Споредено со јулската многугодишна просечна вредност измерената јулска месечна сума на врнежи годинава била 2,5 милиметри или шест проценти помала од просечната на ниво на државата.
Ново на Сител
-
На западот на Австралија 160 насукани, а 26 угинати китови
-
Паднаа перките на познатата ветерница над клубот „Мулен руж" во Париз
-
Атлетико сака да ја продолжи соработката со Витсел
-
Шведските клубови се изјаснија против ВАР технологија
-
Олимпискиот оган попладневно во Атина ќе им биде предаден на организаторите на ЛОИ „Париз 2024“
-
ЛШ во ракомет: Барселона на чекор до полуфинале
-
Запленети фалсификувани производи во Нови Сад и Белград, меѓу кои има бисквити, детергенти и шампони
-
Токсикологија: Поплавени лекарски канцеларии, болнички соби, сметководство, амбуланта на ОРЛ...