Јолевски-Стефансон: Развојот на родовата рамноправност приоритет за Македонија и Шведска
Македонија и Шведска ги споделуваат современите вредности како мирот, демократијата и еднаквоста. Заеднички ги поддржуваат и напорите за етаблирање на овие вредности на светско ниво, особено во проектот за родова еднаквост и рамноправност, кој е приоритет за Шведска во процесите за воспоставување на мирот и обнова на кризните региони. Република Македонија и Министерството за одбрана во овој процес имаат исклучителен напредок и се едни од предводниците.
Ова го заклучија министерот за одбрана, Зоран Јолевски и амбасадорот на Шведска во Македонија, Мац Арне Стефансон на денешната средба во Министерството.
Како што соопшти денеска МО, министерот Јолевски и амбасадорот Стефансон разговарале и за можноста за заедничка организација на семинар посветен на родовата рамноправност и резолуцијата 1325 на ООН.
- Ние сме целосно посветени на ова прашање и за нас рамноправноста на половите е приоритет. Тоа може да се види и преку застапеноста на женскиот пол на Воената академија, а неодамна во рамките на Армијата ја имаме и правата жена-пилот, рекол министерот Јолевски.
Амбасадорот Стефансон посочил дека резултатите на Македонија во оваа област се видливи, што е и поттик за идејата овој семинар да се одржи токму во Република Македонија.
На средбата биле разменети мислења и околу модалитетите за развој на меѓусебната соработка, како и за геополитичката состојба во регионот и Европа и мигрантската криза која го зафати континентот.
Ново на Сител
-
Обвинение за насилството на фудбалски натпревар во Штип – татко физички нападнал малолетни играчи
-
Подметнат пожар на локалитетот Мушов Гроб
-
МВР на Србија: Во писмо за министерот Дачиќ пронајдени три куршуми
-
Мицкоски: Имаме над 27 проценти повеќе откупени земјоделски производи споредено со истиот период лани
-
Шеснаесет пливачи и пливачки ќе учествуваат на 38. Охридски пливачки маратон
-
Калас: Путин се потсмева на мировните напори за Украина
-
Донација на специјално возило работно АТВ за Општина Илинден
-
За викенд нестабилно време со локален пороен дожд, грмежи и засилен ветер