Јасновидецoт кој ги предвиде Брегзит и победата на Трамп предупредува: 2018 ќе биде пеколна
Британскиот јасновидец Крег Хамилтон-Паркер, кој успешно ја предвидел победата на Трамп и Брегзит, најавил некои вознемирувачки настани кои, како што тврди, ќе се случат во светот наредната година.
Годинава ќе биде полна со драматични политички превирања и еколошки кризи, кои ќе предизвикаат непредвидливи временски услови, најавил Хамилтон-Паркер.
Предвидел и терористички напад на авто-пат во Велика Британија, револуција во Северна Кореја во која ќе биде отстранет од власт Ким Јонг Ун, и хемиски напад кој ќе биде изведен од дрон на еден од европските градови.
Своите предвидувања за мрачната иднина овој јасновидец ги објавил на својот блог, а меѓу помалку драматичните најави, се нашла и таа дека британскиот принц ќе ја запроси својата девојка, актерката Меган Маркл.
Во новите визии, како што тврди, видел дека Трамп успешно ќе ја избегне постапката за отповикување, а дека во Европа ќе дојде до зајакнување на десницата, посебно во Шпанија, Италија и Франција, што ќе предизвика големи нереди на улиците на тие држави.
Но, најцрни прогнози дал за екологијата во 2018. година, а предивидел и низа еколошки катастрофи.
– Екологијата е на врвот на листата затоа што чувствувам дека во 2018. година ќе се случат досега невидени потреси, вулкански ерупци и големи невремиња – рекол тој.
Најавил дека ќе се активира Везув, поради што жителите на Неапол ќе мора да се евакуираат, а според неговите предвидувања, силен земјотрес ќе го погоди и Нов Зеланд.
Смртоносни пожари во Калифорнија, разорни поплави во Кина и Индија, и страшни урагани кои ќе ги погодат Карибите, исто така се наоѓаат на листата.
Ново на Сител
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени
-
МВР: Постојат основи на сомневање за можниот сторител на убиството во Тетово
-
На Табановце за влез и за излез во земјата се чека половина час
-
Побарани обдукција и снимки од видеонадзор за убиството во Тетово
-
Сончево и топло со мала локална облачност
-
Поскапуваат патарините во Србија
-
Возило со 12 кг марихуана од Македонија влегло во Србија