Јапонскиот министер за економија поднесе оставка заради обвинение за корупција
Јапонскиот министер за економија Акира Амари поднесе оставка заради тврдењата дека добил поткуп од градежна компанија, пренесоа американските медиуми.
Скандалот изби по информацијата на списанието „Викли буншун“ дека Амари и неговите соработници добиле најмалку 12 милиони јени (103.000 долари) од една неименувана градежна компанија под форма на гостопримство.
Амари досега важеше за еден од членовите во Владата на Шинѕо Абе со најголема доверба во јавноста. Тој беше и водечкиот јапонски преговарач во преговорите за спогодбата за Транстихоокеанско партнерство (ТТП).
Амари ги негираше обвиненијата за корупција, но се извини дека предизвикал загриженост и забуна и рече дека се чувства одговорен за тоа што ја поткопал довербата на општеството во јапонската Влада.
Јапонскиот премиер Абе соопшти дека го номинира Нобутеру Ишихара за функцијата на Амари.
Ишихара (58) веќе беше министер во Владата на Абе. На крајот на 2012 година тој беше именуван за министер за животна средина и нуклеарна безбедност и на таа функција остана до септември 2014 година. Тој е син на поранешниот гувернер на Токио Шинтиро Ишихара.
Ново на Сител
-
Пронајдени шест тела на мигранти близу Сицилија
-
Голем шумски пожар во Лос Анџелес - Загрозени се повеќе од 35.000 згради
-
Шпанија потврди ќе му даде азил на лидерот на венецуелската опозиција
-
Сообраќајот се одвива непречено, по суви коловози, золемен интензитетот надвор од градските средини
-
Променливо облачно со слаб до умерен ветер, попладне се очекува пороен дожд проследен со грмежи
-
Пожарот во Националниот парк Дрина се шири и се приближува до куќи
-
Со возило на авто-школа удрен па истепан малолетник, а потоа нападната и неговата мајка
-
Воздухопловен ВИНГ - 32 години во служба на државата и гарант за воздушната независност