Јапонија ќе обезбеди два милиони долари помош за Калифорнија за ублажување на последиците од пожарите

Јапонската влада денеска соопшти дека ќе донира помош од два милиони долари на Калифорнија за да помогне во опоравувањето од пожарите во кои во последните денови животот го загубија десетици луѓе и се предизвикани катастрофални штети.

Помошта ќе биде доставена преку американскиот Црвен крст со седиште во САД како мерка за помош на жртвите од катастрофата, соопшти јапонското Министерство за надворешни работи.

Финансиската помош се очекува да биде искористена за поставување места за евакуација и обезбедување храна и психолошка поддршка на погодените од пожарите во Калифорнија, изјави претставник на министерството.