Јакобсен: Мора да и се реваншираме на Македонија в недела

Ракометната репрезентација на Македонија го изненади светскиот првак Данска во квалификацискиот дуел за ЕП во Скопје и ги совлада со 33-29.

Посебно изненаден беше селекторот Јакобсен кој сигурно не очекуваше вакво издание на Македонците:

-„Не бевме подготвени за ова. Направивме многу грешки во нападот и пропуштивме многу шанси за да победиме во Скопје. Со репрезентацијата сум долго време, одамна не ми се случило да загубам на ваков начин. На реваншот мора да покажеме поголема храброст“, изјави Јакобсен по мечот.

Данска која го доживеа првиот неуспех по 9 победи во низа ја пречекува Македонија в недела во Алборг.