Јакимовски со поддршка за младите од Карпош: Целосно ќе ги покриеме трошоците за возачка дозвола

Кандидатот на ГРОМ за градоначалник на општина Карпош, Стевчо Јакимовски денеска најави поддршка за младите во општина Карпош преку покривање на трошоците за обука и полагање испит за возачка дозвола.

– Обуката и полагањето за возачка дозвола претставува сериозно оптоварување на буџетот на секое семејство. За младите да положат за возачка дозвола се вклучуваат и дедовци и баби и од тие причини општина Карпош ќе донесе одлука да даде поддршка да ги покрие трошоците за обука и за полагање на сите млади луѓе кои ќе наполнат 18 години вклучувајќи
ја и оваа 2021 година, рече Јакимовски.

Со тоа, додаде тој, сакаме да им помогнеме на младите луѓе да бидат помобилни, да зачекорат во светот на повозрасните и едноставно да можат повеќе да се дружат.