Извршителот на вториот самоубиствен напад на аеродромот на Брисел идентификуван како Наџим Лашрауи

Извршителот на вториот самоубиствен напад на аеродромот во Брисел е идентификуван како Наџим Лашрауи,објави весникот „Де Стандард".

Претходно денеска, друго белгиско издание, „Дерниер јор", соопшти дека Лашрауи е приведен во предградието на главниот град Андерлехт - информација која се покажа неточна.

Белгискиот џихадист веќе беше баран во врска со нападите во Париз од ноември минатата година.

Сторителот на другиот самоубиствен напад на аеродромот на Брисел е идентификуван како Халид Бакрауи. Неговиот брат Ибрахим Бакрауи беше препознаен како напаѓачот самоубиец во метро станица "Малбек" во центарот на белгискиот главен град.