Израелската полиција забрани приод на Ридот на храмовите за мажи под 50-годишна возраст

Израелската полиција соопшти дека денеска забранува пристап до главното светилиште во Ерусалим за мажи под 50-годишна возраст, со цел избегнување нови безредија по вчерашните судири во кои беа повредени десетици Палестинци.

– Направени се анализи на ситуацијата и има индикации дека ќе има безредија и демонстрации, соопшти полицијата.

– Само мажите над 50 години и жени ќе може да бидат во реонот, а дел од улиците околу Стариот град ќе бидат со ограничен пристап, наведе полицијата.

Во соопштението се додава дека се преземени неопходни мерки за безбедност за да се спречи и одговори на какви било пројави на насилство за време на петочната молитва во џамијата Ал Акса.