Израел планира да депортира десетици илјади баратели на азил од Африка

Израелската Влада им нуди по 3.500 долари и авионски билет на барателите на азил во Израел, кои доаѓаат од Судан, Еритреја и други африкански држави, доколку прифатат релокација во некоја од побезбедните држави во Африка, а во спротивно им се заканува апсење.

Понудата е упатена до 20.000 баратели на азил, од вкупно 37.000 колку што ги има во Израел, а рокот да се прифати изнесува два месеци. 

Израелскиот министер за внатрешни работи Арје Дери изјави дека Израел како мала држава, не може да се справи со толку голем број мигранти.

Критики на планот упатија дел од еврејската верска заедница, како и здружение на лица што го преживеале Холокаустот, кои бараат од Владата да обезбеди престој за бегалците и мигрантите.