Израел нема да преговара со палестинските затвореници кои започнаа штрајк со глад
Израел нема да преговара со палестинските затвореници, кои започнаа штрајк со глад, изјави денеска израелскиот министер за внатрешна безбедност Гилад Ердан.
Над илјада палестински затвореници од вчера започнаа штрајк со глад каков што немало долги години. Штрајкот започна по повик на доживотно осудениот на затвор лидер на втората интифада (востание) Марван Баргути.
- Целта на протестот е да се стави крај на злоупотребите на израелските затворски власти, изјави Баргути за весникот „Њујорк тајмс“ од затворот Хадарим во северниот дел на Израел.
Според Ердан, како казнена мерка Баргути бил ставен во самица во друг затвор, нагласувајќи дека повикот за штрајк со глад е спротивно на затворските правила.
- Станува збор за затвореници терористи и убијци, кои го добиваат она што го заслужуваат, и ние немаме причина да преговараме со нив, истакна израелскиот министер.
Портпарол на израелската затворска управа потврди дека во штрајкот со глад учествуваат околу 1.100 затвореници, а властите ќе продолжат „да ги санкционираат штрајкувачите“.
Ново на Сител
-
На министерката за енергетика и е прифатено барањето за откажување од бугарското државјанство
-
Македонија на петто место во Европа по одлив на мозоци
-
Деспотовски поднесе оставка од ТИРЗ, ќе се посвети на политичката кариера
-
Газдите бараат градежните работници да работат и недела и празници, а се жалат дека нема кадар
-
Незадоволство од одлуката на Уставен суд
-
Укинати економските директори во здравството
-
Салите кои беа поплавени во ГОБ 8-ми Септември уште не се во функција
-
Преглед на вестите од светот