Изработена документација за железничка линија Кичево-Лин

Во ЕУ инфо центар денеска ќе се одржи завршен настан за проектот „Подготовка на детален дизајн и тендерска документација за изградба на нова железничка делница Кичево - Република Албанија како дел од Коридорот 8 и тендерска документација за надзор на градежните работи“.

Со проектот ЕУ обезбеди 7,7 милиони евра за изработка на детална проектна документација и тендерска документација за изградба на новата железничка линија во должина од 63 километри.

Линијата ќе  почнува почнува пред Железничката станица во Кичево и ќе се протега низ општините Кичево, Дебарца и Струга до границата со Република Албанија.

Проектот го спроведуваше конзорциум предводен од шпанската компанија „Типса“, во соработка со Министерството за транспорт и ЈП МЖ Инфраструктура.

На настанот се најавени обраќања на министерот за транспорт и врски Горан Сугарески, генералниот директор на Јавното претпријатие „Македонски Железници-Инфраструктура“ Ирфан Асани, и шефот на Делегацијата на ЕУ во Скопје, Самуел Жбогар