Изминатото деноноќие 14 сообраќајки во Скопје, 10 лица лесно повредени
Десет лица се здобиле со лесни телесни повреди во осум од вкупно 14 сообраќајни незгоди што се случиле изминатото деноноќие на подрачјето на Град Скопје. Во шест сообраќајни незгоди е причинета материјална штета.
Од сообраќај, како што информираат од СВР Скопје, полицијата исклучила 22 возачи кои се движеле со поголема брзина од дозволената, осум возачи кои управувале возило под дејство на алкохол, 27 возачи пред да се стекнат со право на управување моторно возило, седум возачи почетници, едно возило технички неисправно и 11 нерегистрирани возила.
Во текот на изминатиот ден за непрописно паркирање се издадени 98 казни, а со специјалното возило „пајак“ подигнати се 97 возила.
Санкционирани се и двајца пешаци кои поминале коловоз вон пешачки премин, 10 возачи кои поминале крстосница на црвено светло, двајца возачи кои не дале првенство на минување на пешаците на обележан пешачки премин, тројца возачи за неправилно престројување и четворица возачи за неправилно престигнување
Казнети се и тројца возачи за не користење заштитен шлем на велосипед со мотор, мопед и мотоцикл, еден возач за неносење сигурносен појас за време на управување моторно возило и 11 возачи за користење на мобилен телефон за време на управување моторно возило.
Ново на Сител
-
Пендаровски се заблагодари на граѓаните за укажаната доверба
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп