Иванишевиќ нов тренер на Циципас

Повеќе европски медиуми објавија денеска дека Хрватот Горан Иванишевиќ е нов тренер на грчкиот тенисер Стефанос Циципас, рангиран во моментов на 20. место на АТП листата.

Иванишевиќ, кој го освои Вимблдон во 2001 година, беше тренер на Марин Чилиќ од 2013 до 2016 година, а од 2019 до 2024 година на Томаш Бердих, Милош Раониќ и Новак Ѓоковиќ. Неговиот последен ангажман, што траеше многу кратко, беше соработката со казахстанската тенисерка Елена Рибакина.

Својата прва соработка, 53-годишниот Иванишевиќ и 26-годишниот Циципас ќе ја имаат на турнирот на трева во германски Хале, од 30 јуни до 13 јули, како подготовка за овогодишниот Вимблдон.

Циципас пред четири години беше трет тенисер на светот, а двапати во кариерата играше грен слем финале, во 2021 година на Ролан Гарос и во 2023 година на Австралија Опен.