ИВ: Киргиос го елиминира Ѓоковиќ

Ник Киргиос го совлада Новак Ѓоковиќ со 2-0 во сетови (6:4 и 7:6) и избори место меѓу осумте најдобри на Мастерсот во Индијан Велс. Пласман во следната рунда обезедија и Швајцарците Стан Вавринка и Роџер Федерер. 

 

Во ноќешните мечеви Федерер го совлада Рафаел Надал со 2-0, по сетови 6:2 и 6:3, Вавринка беше поуспешен од Јошито Нишиока со 2-1 (3:6, 6:3 и 7:6), а победа забележа и Доминик Тим над Гаел Монфилс со 2-0 (6:3 и 6:2).

 

Во четвртфиналето се пласира и домашниот тенисер Џек Сок кој во три сета беше поуспешен од Мелк Жазири од Тунис.

 

Двојки за четвртфиналето:

Карено-Буста – Куевас,

Вавринка – Тим,

Сок – Нишикори и

Федерер – Киргиос.