Итната помош во шок: Влегол во такси со обилно крварење, раката подоцна му е пронајдена на неверојатно место

Екипа на берлинската Итна помош доживеа шок минатата ноќ, кога одговарајќи на повик на таксист да згрижат негов патник со обилно крварење од отворена рана, виделе дека му недостасува рака.

Маж со тешка траума, чие име не е објавено, итно е префрлен во болница, по што е повикана полиција која тргнала во потрага по исчезнатата рака.

Раката не е пронајдена ниту во таксито ниту во возилото за Итна помош, туку на крајот, полицијата ја пронајде во канта за ѓубре на улица.

Полицијата соопшти дека има многу прашања на кои „само повреденото лице може да одговори“, но тој маж моментално се наоѓа на одделението за интензивна нега, па полицијата не може да го испита.