Истрага во Атина за лажни информација за бактерија на колера во акушерска болница

Атински обвинител наредил да се поведе истрага за да се утврди дали некој треба да биде обвинет за ширење на лажни информации по тврдењата на националниот синдикат на вработени во јавни болници ПОЕДИН, дека бактерија на колера била пронајдена во акушерската болница Хелена Венизелу во главниот град .

Наредбата на Илиас Загориос дојде еден ден откако Грчкиот центар за контрола и превенција на болести (КЕЕЛПНО) соопшти дека не може да ги потврди извештаите во кои се тврди дека имало појава на колера во болницата.

Во соопштението, КЕЕЛПНО информира дека досега спроведените лабораториски испитувања не дале доказ за присуство на бактерија на колера во примероците од водата во болницата и нејзината продавница за храна во подрумот, како што тврдеше ПОЕДИН.