Историски триумф за Шерифовски на ЕП во Софија | ВИДЕО

Македонскиот репрезентативец во џудо и член на џудо клубот „Ippon“ од Скопје, 21. годишниот Еди Шеривоски испиша златна страница во македонската историја на овој спорт. На Европскиот шампионат кој во моментов се одржува во Софија, Шерифовски во првото коло во категоријата до 81. килограм, ја оствари првата сениорска победа на еден наш џудист на Европско првенство воопшто.

Шерифовски го совлада фаворизираниот Михаил Латишев од Молдавија, за да во второто коло поради очигледна судиска грешка и дополнителна ВАР одлука Шерифовски е дисквалификуван во борбата со Лашан Мохеад од В. Британија, пренесува Спортмедиа.

„Секако дека сум презадоволен со настапот. Верував во себе и оваа победа е плод на мојата макотрпна работа сиот овој период. Не е толку важно што се случи во втората борба, допрва следуваат мечеви за мене во кои ќе го покажам својот квалитет. Благорадност до сите кои досега работеле со мене, клубот, репрезентацијата, тренерите, и ветувам дека допрва следува најдоброто од Еди Шерифовски“ – изјави младиот џудист за Спортмедиа, инаку државен првак во својата категорија.