Историски најубедлива победа на ПСЖ

Фудбалерите на ПСЖ во голем стил веќе ја обезбедија четвртата последователна шампионска титула во националното првенство. ПСЖ, во неделата, во Троа славеа со 9:0 и на осум кола до крајот на сезоната стекнаа недостижни 25 бодови предност во однос на Монако.

 

Победата на ПСЖ од 9:0 е најуверливата во историјата на француската лига, а воедно ПСЖ го собори рекордот на Лион од сезоната 2006/2007, како тим кој најбргу ја обезбедил титулата.

 

Во победата на тимот од Париз, Ибрахимовиќ постигна четири гола, вкупно 27 во првенството. 

 

ПСЖ ја освои шестата титула во клупската историја, а до крајот на сезоната избраниците на Лоран Блан ќе се обидат да ги одбранат трофеите во Купот и Лига купот и секако да направат чекор повеќе во Лигата на шампионите.