Исланд најави дипломатски бојкот на Мундијалот во Русија, Турција без мерки кон Москва

Исланд денеска најави дипломатски бојкот на Мундијалот во Русија во знак на поддршка на Велика Британија, која исто така нема да испрати официјални претставници за Светското првенство во фудбал поради „аферата Скрипал", велат извори од исландското Министерство за надворешни работи.

Владата на Исланд ја информирала руската амбасада во Рејкјавик дека ги прекинува билатералните контакти на високо ниво со Русија.

Истовремено турскиот вицепремиер Бекир Боздаг рече дека Турција нема планови за мерки против Русија поради „аферата Скрипал".