Ирански хакери урнаа сајт на американска федерална агенција

Ирански хакери урнаа интернет страница на американска федерална агенција и објавија пораки со ветувања за одмазда за смртта на иранскиот генерал Касим Сулејмани, убиен во петокот во напад со дрон по наредба на американскиот претседател Доналд Трамп.

Страницата на Федералната агенција за објавување владини публикации (FDLP – Federal Depository Library Program) била сменета со страница со натписи на англиски и персиски јазик.

– Ова е порака од Исламската Репоублика Иран. Нема да престанеме да даваме поддршка на нашите пријатели во регионот – угнетените народи на Палестина, Јемен, Бахреин, народот и владата на Сирија и на Ирак.

Тие тврдат дека сајтот е урнат од „ирански хакери“, членови на „група за кибер-бебзедност на Иран“. Во пораката се упатува предупредување дека виновниците за смртта на Сулејмани ќе ги стигне „ужасна одмазда“. „Тоа е само мал дел од кибер-способностите на Иран“.